Ulysses 的分享空間

睇住"法證先鋒"既時候...就諗點解電視台成日拍埋D Professional 既電視劇, 就係冇拍會計師既呢...?

 

我覺得我成日做埋D job 都好 exciting 同埋好 challenging ...

 

仲要成日都發前人所未見, 未想...

 

我覺得一D都唔悶... 但係成日問其他朋友都覺得做會計師成日對住數字悶到爆...

 

可能係核數(審計)同一般做帳係唔同啦...

 

我覺得做核數好開心, 可以成日去唔同既地方, 見識唔同既人和事....

 

不過有時候見到個客D 衰野就麻煩D ...

 

成日要同個客 "開會", 大家諗計搞掂佢...

 

最刺激既係個客唔覺得有問題或者唔想改, 基乎我做過既IPO都要逃亡...

 

不過好在...我還未幫過一個咁樣既客上到市...哈哈...

 

套用我老闆講..."咁樣...要坐牢架~!"

 

哈哈...我地成班同事就話... "成圍麻雀都夠腳囉, 係入面都唔怕悶" (因為一隻job通常都會落4-5個同事去做)

 

有時真係想強烈要求電視台拍下我地呢一行既生活~

係5月10日逃跑前, 深圳個客仲興致勃勃咁話6月頭可以簽到 Report 啦....

 

我即刻好冷靜同埋好小心咁同佢講, 俾齊哂所有資料就簽到架啦, 俾心機啦...

 

根住個客仲要好抵死咁應承一個禮拜就全部俾齊我....

 

哈哈...我仲要衰到即刻串佢"唔好好似之前咁講得出做唔到呀~"

 

結果...過埋今個端午節假期就足足一個月啦...

 

哇哈哈...真係乜都清唔到...仲要搞到而家連"聲氣"都冇埋...

 

實在係太搞野啦...

 

我而家日日係香港島返屋企都經過香港站...望住個"奧運倒數"係度笑...

 

而家既日子已經越黎越少啦...真係唔相信佢可以係奧運前上到市... 

 

最好今次可以 "Escape Forever" 啦~~!!!

終於離開了那個煩死人既地方返到香港...

 

雖然個客既CFO勁打電話俾我, 不過我一於好少理, 由得佢同我個老闆講~

 

而家去左幫一間上市公司做Annual Audit...

 

之前呢個客都係"鑊"job一隻, 不過係經過"深圳"一役, 我竟然覺得呢隻job"好到爆"...!

 

無論做咩野都事事順境, D野清清楚楚......

 

Oh my dog, 千企唔好要我返去深圳搞返隻爛野~~~!!!

很煩惱~ 明天那個投資者又來催債了~

 

係深圳呢個客計計埋埋都做左差不多半年時間, 有時真係會問自己, 究竟係邊度出左問題, 點解搞咁耐都未得...

 

上次個投資者問我, 點解搞咁耐都出唔到confirmation, 話我如果連點解出唔到都唔知係"失職"!!!

 

過左一星期啦, 到今天我都未出到個confirmation, 而且, 呵呵... 我仍然唔知點解出唔到...

 

每次問個會計俾資料, 佢都係話儘快俾...總之點都唔解釋點解俾唔到...

 

睇黎明天我又要俾個投資者鬧餐懵啦~

 

 

經過幾天既努力同奮鬥後, 今天終於安排好個stocktake啦...

 

天曉得因為呢個stocktake搞到我俾經理鬧左幾次...有時候唔係話佢講d野冇道理, 不過佢好大程度唔考慮現實情況...

而且最慘既係, 佢鬧人鬧得好勁下...如果唔好脾氣真係"頂佢唔順"~

 

而家總算順利咁take左一半啦, 明天希望能夠順利咁完成埋惠州個stocktake啦...(雖然我都知那邊都係差到爆架啦)...